Մարդկանց մի խումբ կա, որոնց դուր է գալիս այդ ձերբակալումները․ Վազգեն Մանուկյան

Ես համաձայնվել եմ լինել Հանրային խորհրդի նախագահ՝ մտածելով, որ նոր իրավիճակում կլինեն բարեփոխումներ և ես կարող եմ օգտակար լինել, բայց անհամապատասխանություն կա խոստումների ու նպատակների մեջ և ներկա իրավիճակների իրավիճակի։

«Հիմա օրակարգում Ղաղարաբաղի հարց կա, տնտեսության հարց կա, ներդրումներ չկան, բայց բոլորը խոսում են Մարտի 1-ից, Հոկտեմբերի 27-ից։ Մարդկանց մի խումբ կա, որոնց դուր է գալիս այդ ձերբակալումները։ Ընդ որում՝ միայն Հայաստանում չէ, որ այդպես է»,-ասաց նա՝ հավելելով, որ Նիկոլ Փաշինյանը շանս ուներ, որ որևէ մեկը չուներ, իրոք ժողովուրը դուրս էր եկել փողոց՝ հույս ունենալով, որ բարեկեցիկ կյանքով կապրի, բայց փոխարենն անընդհատ դատական պրոցեսների մեջ ենք։

«Եթե իշխանությունները ինձ չեն ուզում տեսնել Հանրային խորհրդում, ապա կարող են հրավիրել ու ասել, որ հետագա գործունեությունն իմաստ չունի թե ոչ։ Կարծում եմ առաջիկայում ես կնախաձեռնեմ նման հանդիպում։ Թեև ըստ օրենքի քանի դեռ իմ պաշտոնավարման մեկ տարին չի լրացել և ինձ կարող են շատ ավելի վաղ ազատել, այդուհանդերձ, իմ հետագա պաշտոնավարումը նպատակահարմար չէ, ապա ես կարող եմ հեռանալ»,-ասաց նա։

Մանուկյանն ասաց, որ Նիկոլ Փաշինյանի հետ առաջին հանդիպմանը խոսել են Հանրահին խորհրդի հետագա գործունեության մասին։

«Ասեցի իշխանությունը վերցրել ես, ժողովուրդը վստահում է քեզ, բայց տեսլական է պետք հետագա գործունեության։ Այդ ժամանակ կցկտուր խոսակցություն է եղել։ Մեկ ամիս նվիրեցինք տեսլականների քննարկմանը։ Ես նամակ գրեցի Փաշինյանին, խնդրեցի իր տեսլականները ներկայացնի, մենք պայմանավորվեցինք, որ 2 ամիսը մեկ հանդիպենք՝ խոսենք, մեկ անգամ հանդիպեցինք ու վերջ»,-ասաց նա։

Անդրադառնալով հարցին թե ինչո՞ւ է թիրախավորվել իշխանությունների կողմից, նա նշեց, որ կարծում է, իր հայտարարություններն ու ելույթները բավական սուր են։ Ինչ վերաբերում է «Վերանատանը», նա նշեց, որ դա կուսակցություն չէ, այլև հարթակ է, որտեղ պետք է հավաքվեն տարբեր կուսակցությունների ներկայացուցիչները ու քննարկեն բարդ հարցերը, որոնք կան Հայաստանում։

«Որևէ կուսակցություն չունի այն ներուժը, որ այդ խնդիրները լուծի։ Ես մարդկանց չեմ բաժանում հնի ու նորի, կարևորն այն է, որ մարդը ունենա խելք ու նվիրում երկրի նկատմամբ։ Ամեն մարդու պետք է անհատապես վերաբերվել»,-ասաց նա։

Оставьте первый комментарий

Оставить комментарий

Ваш электронный адрес не будет опубликован.


*